Ég er á lífi.

Eitthvað hefur maður nú dregið að pósta vegna annríkis í skólanum. Það er svona að vera nemi í útlöndum. Þetta er ekki eins og hobbýskólinn, meina háskólinn heima :)

Það hefur heldur betur hlaupið á snærið hjá mínum, Anna danska komin í heimsókn. Það var mjög fyndið, ég íslendingurinn að sýna henni höfuðborg sína því hún hefur ekki komið í 5 ár.

Kristínu hans Hauks, finnst ég svona ógeðslega skemmtilegur líka að hún er búinn að framlengja 2svar. Átti upphaflega að fara á þriðjudag, síðan í gær og næsta plan er á sunnudaginn. Það svona að vinna í KB. Ég þarf að fá númerið hjá þjónustufulltrúanum!

Ég er svo að verða 23 á morgun. Er kominn með kvíðahnút í magann. Þegar ég var krakki (10 ára) þá var 23 gamalt fólk með börn og ábyrgð. Ekki beint stemmningin hjá mínum. Kannski það breytist í fyrramálið. Svona til að gera lífið auðveldara lét ég gera gjafalista í Illums boligshus og þið hringið bara og sjáið hvað er eftir á listanum til að gefa mér :)

En klukkan að verða 4 á föstudegi, sem þýðir bara eitt: Fredagsbar!!!
So gotta go, það eru allir að biðja mig að drekka einn danskann fyrir sig þannig mar þarf að fara haska sér í þetta. Erfitt líf, pfuff...

p.s. Sól og 20 stiga hiti!!!