Jeg har fødelsesdag!!!!!

Já börnin góð, nóri litli er orðinn árinu eldri en hann var í gær. Ég taldi 3 ný skegghár, 1 hrukku(datt reyndar af um hádegið) og ég er ekki frá því að hárið sé að þynnast. Þannig þetta eru mínir last days of prime og leiðin liggur niður á við eftir þetta.

Nei, ég ætla nú ekki að vera neikvæður þennan góða dag því fram að þessu hefur hann verið mjög skemmtilegur og virðist ætla vera það áfram.

Þetta byrjaði klukkan 12 í nótt á slaginu að ég fékk afmælissöng á 4 tungumálum undir blikkandi ljósastaur, hjólaferð í körfu og skálaræðu frá fólki sem ég hef aldrei hitt á einhverjum hverfispöbb. Nú í morgun fékk ég líka þessu góðu afmælisgjöf frá Anne sem steikti beikon og hrærði egg, bakaði brauð og bauð okkur Hauki, Kristínu og Alexander að njóta út í garði. Þessu renndum við niður með súkkulaði og möndlukaffi frá Kaffitári sem var smá breyting frá soðna vatninu í skólanum sem þeir kalla kaffi.

Og nú er ég heima hjá höfðingjunum Guggu og Björgvin sem bökuðu súkkulaði köku handa drengnum og sörveruðu med mjólk og ekta rjóma. Nmmm

Og nú er verið að pína ofan í mig rauðvín og í tilefni dagsins ætla ég að gefa eftir. En bara í þetta sinn!!!!

Við ætlum að kíkja hvort það sé laust á Sticks´n´sushi, hef nota bene ALDREI látið ofan í mig hráan fisk en ég borða skötu og grásleppu þannig þetta getur nú ekki verið svo slæmt.

Adios, reynið að njóta dagsins án mín og hafið það gott sama hvar er þið eruð.