Free as a bird...

Jæja þá er komið að því. Loksins eitthvað nógu markvert búið að gerast svo hægt sé að skrifa um það.

Þannig er mál með vexti að Nóri litli er orðinn stór. Hann hafði loks dug og þor í að gera svolítið sem hann hefur langað til að gera lengi. Ég er sem sagt kominn út úr skápnum með kynhneigð mína og líður bara svona afskaplega vel með það.

Heiðrún sæta koma hér fyrir rúmri viku síðan og var hún fyrst með fréttirnar. Svo núna um helgina tjáði ég ástkæri fjölskyldu minni frá tíðindunum þannig það má opinbera þetta fyrir alþjóð núna.

Það er skemmst frá því að segja að viðbrögð allra komu mér í opna skjöldu. Sérstaklega fjölskyldan mín sem ég elska út af lífinu þessa daganna. Þetta byrjaði að fréttast á laugardeginum og stoppaði ekki síminn vegna hamingju og heillaóska. Mér leið eins og ég ætti 70 afmæli því aldrei hef ég upplifað aðrar eins viðtökur.

En það er greinilegt að ég verð að leggja drauminn um að slá í gegn sem Hollíwood stjarna á hilluna því ég hef ekki platað margan manninn, því allt frá kunningjum til ættingja voru viðbrögðin eins, þetta vissi maður nú kæri vin!

En allt gott og gilt með það, þetta verður þá ekki mikil breyting fyrir neinn nema mig sem loksins getur verið sáttur við sjálfan mig.

Tek samt fram að það var engin spes ástæða fyrir tímasetningunni önnur en betra seint en aldrei. Er sem sagt ekki kominn á fast eða neitt slíkt. Það hefur alltaf farið mér betur að vera bitur og singul en að vera HHP (helvítis hamingjusama pakk)

En er búinn að létta þessu af mér. Kann betra við að setja þetta hér á prenti heldur en að vera hringja í alla og tilkynna þetta eins og um dauðsfall sé að ræða.

Þannig til hamingju ég og til hamingju þið að eiga hamingjusaman vin!

Yfir og út.