The answer to my praires...

Breytum lögum um LÍN - Björgvin G. Sigurðsson

LÁNASJÓÐUR íslenskra námsmanna er eitt af helstu jöfnunartækjum samfélagsins. Sjóðurinn er afar mikilvægt tæki til að jafna tækifæri til mennta óháð efnahag og efnalegum bakgrunni. Félagslega sinnað fólk hefur frá stofnun hans staðið dyggan vörð um jöfnunarhlutverk hans og tel ég brýnt að breyta nú lögum um sjóðinn og efla jöfnunarhlutverk hans enn frekar.
Samfylkingin leggur til róttækar breytingar til bóta á Lánasjóði íslenskra námsmanna í nýju frumvarpi til laga sem við flytjum nú öðru sinni á Alþingi. Mikilvægt er að okkar mati að ná nýrri sátt um hlutverk sjóðsins með það að markmiði að hluti lána breytist í styrk að loknu námi, afnumin verði krafa um ábyrgðarmenn og að lánin verði greidd út fyrirfram.
Þá þarf að endurskoða viðmiðunargrunn lánanna reglubundið.

Enga ábyrgðarmenn
Með frumvarpinu eru settar fram grundvallarbreytingar á lögum um Lánasjóð íslenskra námsmanna. Við leggjum til að námslán verði ávallt greidd fyrir fram fyrir hvern mánuð. Þá viljum við jafnaðarmenn að krafa um ábyrgðarmenn á lánum verði felld brott úr lögunum enda samræmist hún ekki ákvæðum laganna um jafnrétti til náms. Krafan vinnur hreinlega gegn því markmiði að okkar mati.
Vitað er um mörg dæmi þess að ungt og efnilegt fólk hefur orðið að hverfa frá áætlunum um frekara nám vegna þess að það hefur ekki getað framvísað ábyrgðarmönnum sem lánasjóðurinn tekur gilda. Þetta er vondur veruleiki sem er fráleitt að una við. Hver námsmaður á sjálfur að vera ábyrgur fyrir endurgreiðslu síns námsláns og á að undirrita skuldabréf þess efnis. Stjórn sjóðsins ákveður hvaða skilyrðum lántakandi þarf að fullnægja. Það er allt og sumt. Síðan treystum við fólki til að standa skil á sínum lánum.
30% lána verði styrkurAðrar breytingar eru þær helstar að þegar námsmaður hefur skilað af sér lokaprófum á tilskildum tíma eða framvísað vottorði um lögmætar tafir á námi breytist 30% af upphæðinni sem hann hefur tekið að láni í óendurkræfan styrk. Styrkurinn yrði hvorki tekjutengdur né skattlagður. Breytingar þær sem hér eru lagðar til taka mið af reglum annars staðar á Norðurlöndum.

Til að taka dæmi um fyrirkomulagið í öðrum löndum má nefna að í Svíþjóð eru 35%% af þeirri upphæð sem námsmaður fær til ráðstöfunar á námstíma hreinn styrkur. Sé miðað við fullt nám. Annars staðar á Norðurlöndum eru námsstyrkir ekki bundnir við að námsmaður ljúki formlegu námi en hér er lagt til að það verði skilyrði fyrir styrkveitingu. Það virkar einnig sem öflugur hvati til að ljúka námi á tilskildum tíma.

Við í Samfylkingunni teljum mikilvægt að málið nái fram að ganga á Alþingi og munum gera að lögum förum við í ríkisstjórn eftir kosningarnar hinn 12. maí.
Því er það áríðandi að hreyfingar námsmanna berjist af kappi fyrir breytingum á LÍN sem hluta af þeirri menntasókn og því fjárfestingarátaki í menntun sem nauðsynlegt er að Íslendingar ráðist í á næstu misserum.
Ekki efa ég að hinn nýi meirihluti Rösvku í Stúdentaráði Háskóla Íslands muni gera það. Til hamingju Röskva með glæsilegan og verðskuldaðan sigur.
Um menntamálin á að kjósa í vor. Ný menntasókn á að vera eitt stærsta verkefni nýrrar ríkisstjórnar jafnaðarmanna. Breytt lög um LÍN er stórt skref í þá átt.

Höfundur er þingmaður Samfylkingarinnar í Suðurkjördæmi. Greinin birtist í Morgunblaðinu 15.febrúar 2007.


Býður einhver betur?

Þegar stórt er spurt?

Heiðrún heiti ég Helga og er Bjarnadóttir

Jesús, dugnaðurinn í manni. Er ekki dauður enn þó bloggleysið gæti hafa gefið það til kynna.

Janúar er bara búinn að vera work work work all the way through, með ekki minna en 3 krítíkum, þar af lokaskilum fyrir alla önnina. En nú er það allt að baki og ný önn gengin í garð með eilítið rólegra tempói, svona til að byrja með allavega.

Það hefur svo sem ekkert markvert gerst upp á síðkastið sem vert er að minnast á. Borðaði yfir mig af súkkulaði um helgina og fékk rosalega vindgang. Er það ekki töff, svona sérstaklega í ljósi þessa að maður er 24 ára og single?

En var að átta mig á einni skondinni staðreynd. Ef við gefum okkur að ég hefði komist strax inn í skólann hér eftir útskrift 2002 þá væri ég að útskrifast sem full gildur arkitekt í vor. Væri það ekki pínu absúrd hugsun. Mér vex ekki skegg en mætti skrifa upp á blokk fyrir 200 manns!

En til allrar hamingju þá þurfum við ekki að hafa áhyggjur af því í bráð (hvorki skeggvexti né útskrift) því það eru vel 3-4 ár í það.

Vitið það á dönsku "kemur" maður ekki út úr skápnum heldur hljómar það miklu betur og meira gay, maður "stekkur" út. Senst "Springer ud af skabet". Sjáið það ekki fyrir ykkur að maður hoppi út í pallíettu kjól með varalitinn mömmu, túberað hár og pride fánann á lofti í staðinn fyrir að bara koma út án viðhafnar?!

Danir eru gott fólk.

kv. Arnór

p.s. Kemst ekki á reunion í vor því skólaárið var lengt og mun bara sleikja sólina hér í staðinn og drekka bajer með Guggu!