FRIDAY.

Það sem tíminn líður hratt hérna. Enn og aftur kominn helgi, og hin varla enn búin.

Ég er enn að jafna mig eftir heimsóknina miklu. Maja mætti hér galvösk til að halda upp á afmælið sitt og til að samgleðjast henni þá kom Heiðrún úr Bretlandi og Anne úr Árósum. Fyrir vorum við gleðigjafarnir ég, Gugga og Björgvin. Það var náttla bara gaman alla þessa viku, sama hvort um skauta eða kaffihúsaferðir var að ræða. Rub-a-dub kvöldið kom líka sterkt inn, þar vorum við EINA fólkið af okkar litarhætti að mingla líkt og við værum innfædd.

Þið megið þó ekki halda að mar hafi misst úr skóla, hitt þó heldur. Er búinn að vera í hópavinnuverkefnum síðast liðnar 2 vikur og hefur það gengið líka svona vel. Ég fúnkera nú yfirleitt ekki vel í þeim aðstæðum enda frekur og þver með eindæmum en ég er farinn að temja mér nýja siði (og tróð mér líka í réttan hóp með aðalnördunum) þannig verkefnin voru bara líka svona skínandi fín.

Þannig hefur tíminn liðið, skóli á morgnanna og hitta svo "krúið" eftir skóla. Ef þetta væri nú alltaf svona gaman. Meira verður svo sem ekki skrifað um þessa heimsókn enda flest óprenthæft og ekki eftir hafandi en þannig er það nú yfirleitt þegar fleiri en 2 vitleysingjar koma saman (því þar er gaman!).

Í dag lauk kúrsinum sem er búinn að vera allan febrúar og þá hefst hinn "raunverulegi" skóli aftur með endalausum verkefnum, lystarleysi og andvökum. Sem er náttla bara gaman og fer helgin í það að taka til í skólanum til að vera tilbúinn eftir helgi. Þannig ekkert djamm núna.

En þið sem heima eruð, segið mér eitt. Er ég að heyra rétt að fólk sé farið að klæða sig eins og Silvía Nótt á djammninu? Það hlýtur nú að vera fyndin sjón. Það er líka bara kúl að hún hafi unnið þetta dæmi. Engin betri fulltrúi en hún. Allavega verður gaman að horfa í vor á þetta. Tinna mín ætlar meira segja að mæta á svæðið þannig þetta verður eitthvað mergjað.

En bless núna, legg ekki meira á ykkur í bili.

Eg var ad fa einkunnir!

Haldidi ekki ad mar hafi fengid B fyrir haustønnina. Ekki slæmt tad to eg segi sjalfur fra. Var buinn ad sætta mig vid C i hæsta lagi tannig eg er nattla bara i skyjunum.

Svo er gledigjafinn hun Heidrun Helga komin i heimsokn i nokkra daga er og tad lika bara skemmtilegt. Eg er a kursum fra 9 - 4 tannig eg dreg hana bara med mer i skolann og læt hana læra a minu bordi. Tad er sko ekkert fri ad koma i heimsokn til min.

Tid hafid kannski heyrt af fuglaflensann væri kominn hingad. Tad er nu ordum aukid, tetta er bara Lundinn sem er kominn til ad halda upp a afmlid sitt. Tad verdur nu seint sagt um Lundann ad hann se smitandi to skemmtilegur se.

Tannig i Køben er bara gaman i dag i snjokomunni og verdur afram, eg finn tad bara a mer.

Gledi, astar og saknadarkvedjur til ykkar allra sem ekki eru her!

Uuups!!!

Erlent mbl.is 8.2.2006 9:10
Íslendingur handtekinn fyrir að fróa sér í Kaupmannahöfn
Lífverðir drottningarinnar við varðstöðina framan við Rosenborgarkastala í Kaupmannahöfn fengu heldur undarlega heimsókn í gær þegar ölvaður, íslenskur karlmaður tók upp á því að fróa sér fyrir framan þá. Íslendingurinn var handtekinn nokkru síðar. Frá þessu segir á vef Kaupmannahafnarlögreglunnar.
Meira
[ Forsíða Innlent Erlent Viðskipti Tækni & vísindi Íþróttir Fólkið ]

Tad ma ekki gera neiit herna uti an tess ad tad drifi a sidur Moggans heima.

En tad er nu bara tannig, tegar manni er mal ta er manni bara mal!

kvedjur ur Køben

Back from the dead!

Jæja minn er aftur mættur á alnetið eftir smá hlé.

Er bara lítið búinn að komast í tölvur upp á síðkastið vegna anna og nú síðast veikinda.

Er sem sagt bara á kursum þennan mánuðinn og krefst slíkt þvílíks aga, mæta ALLTAF klukkan 9 OG halda sér vakandi á honum.

Við íslendingar hér úti sem og aðrir erum orðin nett hrædd við terrorista árásir á okkar fögru borg eftir öll lætin út af þessum blessuðu teikningum. Þetta er á öllum stöðvum allan daginn, mótmæli, brennd sendiráð og svo það besta , 6 ára skólabörn í Palestínu að hóta dönum lífláti. Gott skólakerfi það.

Einhver sagði að maður ætti ekki að láta terroristana stjórna sínu lífi og það á alveg rétt á sér en ég met lífið það mikið að ég er ekkert að nota lestarnar og strætóana eða vera niðrí bæ að óþörfu, enda hef ég ekkert þangað að sækja.

En að öðru og enn meira ógeðfelldara. Ég kíkti í pönnsur til Guggu og Bó nú um helgina og ekkert nema gott um það að segja. Vinkona Guggu sem á 3 mánaða ungbarn var þar líka. Ég verandi barnagæla mikil fannst það nú ekki leiðinlegt og mærði þennan mæta strák mikið, hvað hann væri nú stór og myndarlegur og allt þetta rugl sem maður segir við ungabörn. Nema kemur í ljós að blessaður drengurinn reyndist vera stúlka (ég meina honest mistake, sérstaklega á þessum aldri) nema hvað hann/hún var klædd/ur í bleik föt frá toppi til táar sem hefði nú átt að gefa einhver merki um kynferðið. Ekki nema að foreldrarnir vilji ekki ala gemlingin upp eftir einhverjum stöðluðum kyn ímyndum og séu að fokka upp öllum þekktum gildum og viðmiðunum í barnauppeldi. En sú reyndist ekki raunin þar sem blessað barnið á kaþólskan föður og sú kirkja er nú ekki þekkt fyrir að gefa eftir gömul og góð gildi.
(Ein spurning fyrir ykkur að pæla í. Er orðið Latino fordómar. Ég sagði við litla kút þegar mamman sá ekki til að hann yrði latino höstler sem myndi gera það gott hér í Danmörku þegar hann yrði eldri en Gugga sussaði bara á mig. Bætti reyndar þá við að hann væri hún!)

Gaman að bæta því við að barnanginn heitir Helga María líkt og góðvinkona vor sem er á leið til Köben að fagna aldrinum.

En nú kemur að því ógeðfellda sem var minnst á fyrir nokkrum málsgreinum síðan. Eftir pönnuköku átið sátum við Gugga og Bó að spjalli. Ákváðum að fara og kaupa nokkra Tuborg til að sötra, úr sjoppunni á kolleginu. Það er svo sem ekki saga til að segja frá en við sitjum þarna agndofa yfir fréttunum af mótmælum og brenndum sendiráðum þegar Björgvin gefur frá sér einhver skryngileg hljóð. Haldiði ekki að ofan í Tuborg flöskunni hans hafi leynst lítill plastpoki, svona zip lock og eitthvað HVÍTT inni í honum. Manngreyið var nú sem betur fer bara búinn að taka þrjá sopa en kannski er hann með lifrarbólgu C eða eitthvað.
Við tókum myndir af þessu ofan í flöskunni og síðan dró Gugga fram krufningasettið sitt (hún geymir það í hnífapara skúffunni!) og við drógum pokann upp. Allt var myndað og nú er bara að hafa samband við Séð og Heyrt, neytendasamtökin og Tuborg og heimta milljónir. Það væri fínt að fá góð ráð frá ykkur sem eruð að nema lögfræði. Þetta var ógeðslegt.

Ég hef frá nóg fleiru að segja en þetta er nú orðið ansi langt og svo fólk nenni nú að lesa mig í framtíðinni þá læt ég þetta gott heita í dag.

Það er stormur úti og -3 gráður. Heima er víst sól og blíða. Remind me why I moved!?!